Abdirizak Ali Taajir: AKHRINTA BUUGAAGTA

@Sawirka:-Google

HORDHAC

Waxaa xaqiiqo ah in akhrinta buugaagta ay ballaarinayso ama hormarineyso maskaxdaada. Maskaxda waa muruq Waxayna u baahan tahay jimicsi. Sidoo kale akhrintu waxey hormarineysaa ereyadaada, xirfadahaaga si hufan oo ka muuqasho leh bulshada dhaxdeeda. Mawduuca ugu muhiimsan ee loo tixgeliyo inuu yahay akhristu waa akhrinta buugaagta. Wax akhrisku wuxuu kor u qaadaa meeqaamka uu qofku bulshadiisa ku dhex-leeyahay, waayo qofku wuxuu bulshadiisa la wadaagaa waa wixii uu ka helay Buugtii uu soo akhristay.

Aqoonta inteeda badani waxa ay ku keydsan tahay Buugta kal duwan ee dunida dacaladeeda kala taala. Akhrintu waa raadinta runta, iyo raadinta quruxda fikirka guud. Sidoo kale Sidaan ogsoonahay wax akhrinta waxaa lagu sheegay Qur’aanka kariimka ah waliba Aayadii ugu horeeysay ee Nabigeena Muhamed SCW kusoo dagtay waxeey tilmaameysay wax akhrinta “اقْرَأْ بِاسْمِ رَبِّكَ الَّذِي خَلَق “ “Akhri Magaca rabigaa kaa oo adiga ku abuuray” baa ladhahay Nabigeena sharafta leh taa waxeey cadeeyneysaa in wax akhrinta muhiimad aan lasoo koobi Karin eey leedahay.

HORMAR

Sida la og yahay, qof kasta oo akhriya buugaagta wuxuu sheegi karaa ama gudbin kawaa fikradiisa, dareenkiisa sida uu udoonayo inuu muujiyo iyada oo aan dhibaato haysan, daahfurnaan iyo xayiraad.

Habka ugu wanaagsan ee wax loo baran waa ayadoo loo sii marayo akhrinta buugaagta, bulsho wax akhrisa ayaa noqon doonta bulsho hormarsan. Dadka wax akhriya waa dad ka cimri dheer dadka kale sababtoo ah waxay tariikh iyo fikarado ka hayaan dadkii boqolaalsano ka horeyay waxayna tariikh iyo fikrado fican ugu tagaan dadka ka danbeya yagoo usii reeba qoraal ama usii gudbinaya taariikhda ayaga akhristeen.

Buuga waqti iyo da’ midoodna maheysto kaliya wuxuu ubaahanyahay akhriste. Qofkasta wuu aqrin karaa buug ilaa inta naftiisa uu ugu sheekeynayo waad aqrinkartaa buugaagta. Dadka kuwooda aqriya buugaagta waxey umuuqdaan kuwo aan caajisin ama walwalkooda yaryahay.

FAAIDOYINKA AQRISKA

Dunida dadka akhriya buugaagta way ka duwan yihiin dadka kale Marka ay la hadlayaan dadka ama ay ka hadlayaan fagaarayaasha sidoo kale markey wax qorayaan dadka kale weey ka duwanyihiin. Akhrinta bugaaga kala duwan waxey ka qiimo badan tahy lacago dollar ah. Faa’idooyinka wax akhriska halkaan laguma soo koobi karo, waxaana ka mid ah:

v Akhrinta buug waa daawo.

v Akhrisku wuxuu kobciyaa maskaxda

v Akhrisku wuxuu yareeyaa walwalka ama Cadaadiska qofka saaran

v Akhrisku wuxuu furaa maskaxda

v Akhrisku wuxuu kobciyaa erayadaada

v Akhrisku wuxuu wuxu toosinaya dhaqankeena guud.

v Akhrisku wuxuu bedelayaa muuqaalkeena adduunka.

v Akhrisku wuxuu xoojiyaa guusha nolosha,

v Akhrisku wuxuu Horumarinta ra'yigeena.

GABAGABO

Hadii aad doontid inaa aqriso Buug, lkn Wali aan la qorin buugaas, Hadaba waa inaad adiga qortaa. Maskaxdaada dhalaali oo wax uun soo kordhi. Si dadka kaa danbeeya tusaale iyo raad raac aad ugu noqotid.

Mahadsanidiin