Dalaga Galleyda

@sawirka:- Google

Galleyda (Maize) ayaa sidoo kale loo yaqaanaa Hadhuudh(Corn) Galleydu waxey kamid tahy dalagyada koowaad ee wadanka laga soo saaro, sidoo kale waa dalgyada ugu muhiimsan Dakhli ahaan iyo cuno ahaan. Ayadoo loo isticmaalo waxyaalo kawala duwan. Galleyda waxaa loo isticmaalaa cuntada hadhuudhka ah ee dadku isticmaalaan, xoolaha ayaa sidoo kale loo isticmaalaa in lagu quudiyo .

Waxaa sidoo kale loo isticmaalaa in laga soo saaro walxa kala duwan ayadoo loo isticmaalayo warshadeeyn sida:

Ø  Saliid                                                

Ø  Cabitaanka khamriga

Ø  Daawada

Ø  Cuntada macaan

Ø  Walxaha la isku qurxiyo

Ø  Dharka

Ø  Warqadaha

Magaca cilmiyeedka  ee galleyda waa (Zea mays)  waxaana hoostagaa ama la xiriiraa qoyska  cowska (family of grasses) (Poaceae).

CIMILADA GALLEYDU UBAAHANTAHAY

Dalagyada galleyda guud ahaan, waxay kukoraan ama ee ubaahanyihiin heerkul gaaraya 22 ° C ilaa 30 ° C waxayna ugu badnaan  ubaahanyihiin ama kubixi karaan heerkulka  sareeye ee gaaraya 35 ° C. Sanadkiiba halka dalag ee galley ah waxuu u baahan yahay ugu yaraan 50 illaa 90 cm oo ah roobab.

CARRADA KU HABOON IN LOO ISTICMAALO BEERIDA GALLEYDA

Beeridda miraha Galleydu waxaa lagu beeri karaa  carroyin  kala duwan sida carro dhoobo dhoobo ah ama carro dhoobooy(clay loam), carada bacaadka ah (sand loamy) , iyo carrada madow ee furfuran (black cotton soil). Haddii aad rabto koror wanaagsan oo dalagga galley ah dooro ama ku beer carro wanaagsan oo leh maaddooyin dabiici ah oo wanaagsan kuwaa oo leh awooda sare ee heysashada biyaha. Beerashada Galleyda  cabir ahaan (Potential of hydrogen  PH )oo ah ciidda looga baahan yahay  waa inuu ahaadaa 5.5 ilaa 7.0. inta aadan beerin dalaga waxaa haboon in ciida la ogaado lana cabiro si loo ogaado yaraanta qiimaha nafaqo ee kamaqan ciida.

DIYAARINTA DHULKA

Ka hor beerashada galleyda  waa inaad udiyaarisaa dhulka adoo isticmaalaya makiinada ama cakaf cakafta iyo Dibida lagu falo beerta si beertu unoqoto mid udiyaarsan beerida Galleyda.

Ugu horeeyn waxaa sameyneysa waxaad ka saareysaa beerta geedaha waaweyn. Marka xigta waxaad ka gurtay ayaad kudhaxgubeeysaa beerta dhaxdeeda. Kadib  5 -13 cm ayaa hoos loo qodayaa dhulka adigoo isticmaalaya cakaf ama xayawaan. Arbush ayaa ku xijineysaa si burarkii carada uyaryaraadaan caradana unoqoto mid fur furan.

Ujeedada ugu weyn ee diyaarinta dhulka  waa in la xakameeyo waxyaabaha aan loobaahneeyn ee kuyaala beerta, sidoo kale si loo hagaajiyo awoodda heysashada biyaha iyo Si fudud u nuugista qoyaanka xididada dalagana u fududaato inuu koro ama carada uduso nafaqada iyo biyahana si fudud uu kusoo qaato.

ABUURKA GALLEYDA IYO QAABKA ABUURKA

Beerashada Galleyda 10 ilaa 11 kiilo oo abuur galleey ah ayaa udiyaarineysaa inaad ku beerto 1hecter oo beer ah.

10 cm (sintii mitir) ayaad udhaxeysiineysaa labada geed ee Galleyda ahsidoo kale halkii god waxaa kurideysaa 2 ilaa 3 xabo oo miro ah.

BACRIMINTA LOO ISTICMAALO GALLEYDA

Guud ahaan beeraley kasta wuxuu isticmaalaa bacrimin ama yuraayo xiliga uu diyaarinayo dhulka uu ku beeran lahaa galleyda lkn hadii aad rabto wax soo saar fiican waa inaad isticmaashaa Bacrimiyaasha soo socda halkii heceter walba

Ø  Super phosphate: 470 kg

Ø  Urea: 200 kg

Ø  Potash : 180 kg

Sidoo kale 20 maalmood kadib waxaad isticmaaleysaa Urea: 50 to 60 kg halkii hecter walba

Sidoo kale 40 maalin kadib markaad beertay waxaad isticmaaleysaa bacriminta soosocto si wax soo saar fiican aad uhesho

Ø  Urea: 120 kg

Ø  Potash: 50 kg   

    

 Qoraa:- Abdirizak Ali Tajir

Kala xiriir:- 00905531710490/ 00252615587465/ 00252615206230/ 00252615825475

Cinwan:- crisaaqali@gmail.com